Podarymnie ech szukou, co je powodym, co teroski wszyjscy godajom o tabulce poswjyncony Kurzydle vel Grazynskimu. Bo urodziou sie w Galicji w maju, zeszou s tego swiata w grudniu, a na urzond w Katowicach posadziyli go w maju/czyrwcu.
A teroski momy pazdziernik. Mozno mo to cojsik do czyniynio ze halloweenowym straszyniym, - niy wjym.
Kurzydlo, to dlo mie protoplasta zdalnie sterowanych pachoukow. Czowiek niy majoncy powionzan z regionym kery mu z wyboru Warszawy dali do rzondzynia. Chop miou wyksztalcynie (doktor prawa rolnego), kere predystynowauo go decydowac o losach okryngu przemyslowego, jakim bou okupowany przez Polska Gorny Slonck. Mozno miou Grazynski I cojsik w gowie – ale miou w sobie mechanizmy robota kierowanego przez tych, kerzy go na tym stouku kacyka Gornoslonckigo posadziyli. Tym tam bou w stu procyntach lojalny, bestosz akceptowano w stolycy jego dyktatorskie zapyndy.
Po mojymu – bou by dlo mocodawcow z Warszawy rownie “dobry” na Kresach, abo Polesiu, jak na Gornym Sloncku. Wazne do niego bouo, upajac sie dymem kadzoncych mu przidupnikow, w poczuciu wladzy.
A byli tysz lepsi od niego. Chocby, tysz dobrze wyksztalcony technokrata (choc tysz niy Slonzok) – doktor Waclaw Olszewicz (1888-1974). Choc mozno duszom bou bardzi w Paryzu nisz w Siemianowicach, jego angazowanie sie w sprawy Gornego Sloncka – choc przemilczane I wymazane – bouo bezprzikuadne.
No ale taki jusz je los naszego slonckigo Hajmatu. Niy momy jakos szczynscia do politycznych prziwodcow skierowanych do rzondzynia u nos przez Warsiawa ( no mozno z wyjontkiym Jorga). Mozno, jak sciepnymy jarzmo okupacji polckij cojsik sie zmiyni (choc niy jest ech taki pewny)!
